Համո Սահյանին նվիրված երեկո Աշտարակում

Նոյեմբերի 23-ին՝ ժամը 19:00-ին, «Զարթոնք» համերգային ընկերությունը հրավիրում է Աշտարակի դրամատիկական թատրոն՝ հայ մեծանուն բանաստեղծ Համո Սահյանին նվիրված գրական-երաժշտական երեկոյին։

Սահյանի պոեզիան, նրա խոսքերով գրված երգերն ու արտիստների մեկնաբանությունները մեկ բեմում կվերակենդանացնեն բանաստեղծի աշխարհը՝ լցված հայրենի բնության պատկերներով, մարդկային ջերմությամբ ու հայրենի հողի կանչով։

Երեկոյի հատուկ հյուրն է բանաստեղծի որդին՝ Նաիրի Սահյանը։

Մասնակցում են վաստակավոր արտիստներ Սիլվա Յուզբաշյանը և Գրետա Մեջլումյանը, ասմունքողներ Արմեն Դաղարյանը և Նարեկ Մարգարյանը։ Երգերը կատարում է Հայկ Թոնգուրյանը։

Երեկոն վարում է վաստակավոր արտիստ Սարգիս Նաջարյանը։