Select an available seat in the hall, then continue with your purchase.
Event description
«Մթնշաղի անուրջներ»․ Վահան Տերյանին նվիրված գրական-երաժշտական երեկո
Հոկտեմբերի 14-ին «Արամ Խաչատրյան» համերգասրահում «Զարթոնք» համերգային ընկերությունը ներկայացնում է հայ մեծ բանաստեղծ Վահան Տերյանին նվիրված «Մթնշաղի անուրջներ» գրական-երաժշտական երեկոն։
Աշնանային այս նրբագեղ երեկոյի ընթացքում պոեզիան և երաժշտությունը կմիահյուսվեն՝ հանդիսատեսին տեղափոխելով սիրո, կարոտի և տերյանական խորհրդավոր մթնշաղի աշխարհ։
«Ես սիրում եմ մթնշաղը նրբակերտ,
Երբ ամեն ինչ երազում է հոգու հետ,
Երբ ամեն ինչ, խորհրդավոր ու խոհուն,
Ցնորում է կապույտ մութի աշխարհում»։
Երեկոյի ընթացքում կհնչեն Վահան Տերյանի ամենասիրված բանաստեղծությունները և նրա խոսքերով գրված երգերը։
Բանաստեղծությունները կկարդան ՀՀ վաստակավոր արտիստներ Սիլվա Յուզբաշյանը և Գրետա Մեջլումյանը, ինչպես նաև ասմունքողներ Հմայակ Հակոբյանը, Նարեկ Մարգարյանը և Գարունա Երանոսյանը։
Տերյանական երգերը կկատարեն ՀՀ վաստակավոր արտիստ Լեյլա Սարիբեկյանը, Սոնա Շահգելդյանը և սաքսոֆոնահար Էրիկ Ժամհարյանը։
Երեկոն կվարի ՀՀ վաստակավոր արտիստ Սարգիս Նաջարյանը։
Բաց մի՛ թողեք պոեզիայի և երաժշտության այս ինքնատիպ ու ներդաշնակ համադրությունը։ «Մթնշաղի անուրջներ» գրական-երաժշտական երեկոն բացառիկ հնարավորություն է կրկին բացահայտելու Վահան Տերյանի նուրբ, խորհրդավոր և անժամանցելի ստեղծագործական աշխարհը։
Սիրով սպասում ենք ձեզ հոկտեմբերի 14-ին՝ «Արամ Խաչատրյան» համերգասրահում։